Mga Dapat Tandaan sa Sinulog! (Hiligaynon Edition)

Ini ang mga bagay nga dapat tandaan sa Kabankalan Sinulog 2014. Medyo pakadlaw lang pero tani makuha nyo ang punto.

Ø Alert. Amo ni ang dapat sa tanan nga oras. Bulobantay sa mga tao sa imo palibot.

Ø Indi magpagutok. Mas sadya ang gutok kag daw indi malikawan pero maghalong sa damo tao (uso ang tipdas subong). Bantayi ang imo nga bulsa, wallet, cellphone kag camera. Masadya ang pyesta pero kung makawatan ka mas masadya, tipdas ka gid nga wala sa oras.

Ø Travel light. Magbayo sang komportable, indi ang maporma or sexy nga daw haloson ka makahulag. Bawal ang "hayhels" (budlay maglikaw kung may galagas sa imo nga mangbuling). Indi magbayo sang dark colored, mas komportable ang puti pero sa “bulinganay portion” ikaw gid ang matam-an.

Ø Indi magpasikat. Indi ini tyempo para ipasikat ang alahas, bag o nga cellphone, camera kag kung ano pa. Magsuksuk sang peke nga alahas kag dal a ang Nokia3310, 5110, china-phones mas maayo pa.

Ø Run for cover. Magdala sang panyo, face towel, bandanna o payong. Indi ka makasigurado sang tyempo kung maulan o mainit.

Ø Sunblock/Sunscreen? Block n White? Ponds? SPF1000? Indi na diri uso sa Kabankalan Sinulog. Ang pinakabarato kag pinakapaborito sang tanan? Oling SPF 5000! Hulat lang kay may ma-apply gid na sa imo panit.

Ø Budget for the day. Magdala lang sang kwarta nga insakto sa subong nga adlaw, mga bentemil siguro OK na. Magdala man sang small bills kag coins. Indi pag awayon ang tindera kung wala sinsilyo sa 500 o 1000 kay isa lang man ka ice water imo ginbakal.

Ø Put tie on everthing. Indi ini bastos. Mas maayo nga higutan ang tanan. Higutan ang wallet, cellphone kag camera, nobyo kag nobya para indi makapalagyo.

Ø Water is life. Magdala sang kaugalingon nga ilimnon nga tubig, juice etc. Indi sa tanan nga tyempo may malapit nga balaklan. Budlay magpagutok para lang magbakal sang tubig.

Ø Beer is also life. Ang ilimnon ang nagadugang pasadya sa pyesta. Pero ang ilimnon idiretso sa tiyan kag ang botelya sa kaha indi pag-ihaboy sa ulo sang iban nga tao, dumduman nyo pa? Bawal ang maoy!

Kung may idugang pa o wala nagustuhan sa akon mga suggestions, e-comment lang sa idalom. Salamat!

Magsinadya nga may paghalong sa Kabankalan Sinulog !