Misa de Gallo o sa iban Simbang Gabi. Maski lainay ina sila pero para sa kadam-an daw isa lang ina ang ila meaning. Ini para saulogon ang pagpasalamat sa bugay nga nabaton sa bilog nga tuig, pagkataho kag ang mas madalom ang pag abot sang Ginoo. Pero para sa iban may lain pa gid ini nga ambot silingon. Kag indi ini amo ang ginatudlo sa simbahan. Medyo kaladlawan pero sigurado gid ako nga amo ini ang pagpati sang iban.
Ari ang mga sala nga pagpati kun ngaa dapat makasimba o dapat perfect attendance ka sa nine mornings:
1. Ginhungod nga kaagahon para ma "test" ang imo dedikasyon sa pagsimba. May gamay ini nga kamatuoran pero history tells us nga indi amo ina ang rason kung ngaa 3AM to 5AM nagasugod ang Misa de Gallo. (see wikipedia for its history)
2. Sa mga pamatan-on, amo ini nga tyempo nga makakita sang imo partner. Sin-o sini ang nagpauso? Si Aga Mulach kag si Donita Rose (from the movie 9 Mornings).
3. Make a wish: Sigurado gid nga amo ini ang una nga sala nga rason. Tuod nga ginapangamuyo ta sa aton kada simba nga hatagan kita sang maayo nga lawas kag ipalayo sa mga masakit kag hatagan kita sang adlaw-adlaw nga pagkaon. Pero lain ang naga PRAY sa naga WISH. Mga wish kapareho nga magdamo ang kwarta, makadaog sa lotto or ano nga pa-raffle.
Tatlo lang ini sa mga rason. Pro kung ano man ang tuyo mo sa pagkadto sa Misa de Gallo siguraduhon nga Ginoo ang sentro kag ikaduha lang ang aton mga personal nga intensyon.
Ang sunod ko nga isulat amo ang mga superstitious beliefs nga dapat obrahon mag New Year. Message lang kung may ishare kamo o comment sa Facebook.
No comments:
Post a Comment