Ari ang mga ginaobra sang kadam-an antis kag mag abot ang bag ong tuig. Kay ang pagpati nga kung ano ang imo estado sang pag abot sang bag-ong tuig mangin permanente ina nga estado sang kabuhi sa bilog nga tuig. Sigurado gid ako nga daw halos tanan may ara gid isa nga ginaobra sa sini nga lista:
-Mag obra sang gahod. May pagpati nga para magpalagyo ang mga malain nga ispiritu kinanlan mag-obra sang gahod. Amo na nga may palupok, torotot kag ang pinakanami ang pagpatik sang kaldero. Matunog, indi delikado kag wala pa gasto!
-Buksan ang mga puertahan, bintana kag aparador para kuno magsulod ang swerte.Kag pasigahon ang tanan nga suga para mangin masanag ang imo bag-ong tuig.
-Magsuksok sang may polka dots. Polka dots means $.
-Punuon sang kwarta ang kahita kag bulsa. Ilapta ang mga kwarta sa lamesa, aparador kag iban pa nga parte sang balay.
-Sa mga bata, magtumbo ukon magkabit sa balayan para magdugang ang kataason.
-Bayaran ang tanan nga kautangan bag o mag takop ang tuig kag indi mangbayad sang utang sa una nga adlaw sang bag ong tuig. Kung posible, indi man maggasto, ang pagka "matipid" madala kuno ina sa bilog nga tuig.
-Tinluan ang tanan nga pagkabutang kag ang bilog nga balay antes mag takop ang tuig kag indi na magpaninlo sa una nga adlaw sang tuig.
-Magpaligo sa adlaw antis (December 31) kag sa una (January 01) nga adlaw sang bag-ong tuig.
-Kag ang ginaobra gid sang tanan. Ang 12 Fruits nga gakahulugan sang bugana sa sulod sang 12 ka bulan sang tuig.
Maski ano pa nga pagpati sang mga ini kung wala man kita gatinguha kag gaobra sang mga positibo nga bagay, wala pulos ang aton pagpreparar sang 12 Fruits, pagsuksuk sang polka dots kag iban pa. Ang tanan nga bagay nagabase kag resulta sang aton adlaw-adlaw nga ginabuhat.
Happy New Year Kabankalan!
Tapos New Year, Sinulog naman!
Please like my Facebook page Tambay sang Kabankalan.
No comments:
Post a Comment